हमीन एगो ऑनलाइन मंच के रूप में काम कराथी,जेकर मकसद आहे कि हमर सादरी समुदाय के अपन सादरी भाषा में सही,सरल अउर काम कर जानकारी मानके देवेक सकोप। हमर चाहत आहे कि हमर आदिम मान ऑनलाइन दुनिया से जुड़ोक अउर अपन भाषा,संस्कृति आउर पहचान पर गर्व करोक।
हमीन ई मानील कि भाषा सिरिफ बात करेक कर जरिया न लागे पर ई हमर सोच, संस्कार आउर विरासत केर पहचान हेकें। एहे सोच से ई पहल के शुरुआत करल जाईहे,ताकि सादरी भाषा के बढ़ावा मिलोक अउर आगे कर पीढ़ी तक अपन भाषा के पहुंचायक सकोप।
हमीन सादरी भाषा में खबर,जानकारी,विचार अउर जरूरी सेवा देवीला।ताकि हर सादरी-भाषी,चाहे ऊ जवान होबायन या बुजुर्ग,अपन भाषा में जुड़ल राहबांयन आउर अपनापन महसूस करबांयन।
हमर मकसद आहे:
*सादरी भाषा के ऑनलाइन मंच में पहचान देवेक।
*समुदाय के जोईड़ के रखेक,जागरूक करे अउर सशक्त बनायक।
एक अइसन मंच तैयार करोप,जे जगान हर सादरी-भाषी गर्व से कहेक सकबांयन "ई हमर भाषा हेके।"
हमर यात्रा एखन सुरू होइहे।अगर रौरे भी ई मिशन में हमर संगे जुड़ेक चाहल,तो रौरे के स्वागत आहे।चला,मिलके अपन भाषा के बढ़ाप।
